ਰਈਆ ਵਿਖੇ ਚੋਰਾਂ ਦੇ ਹੌਂਸਲੇ ਬੁਲੰਦ, ਇਕੋ ਰਾਤ ਤਿੰਨ ਦੁਕਾਨਾਂ ਦੇ ਸ਼ਟਰ ਤੋੜ ਕੇ ਕੀਤੀ ਚੋਰੀ
ਰਈਆ (TTT)- ਕਸਬਾ ਰਈਆ ਵਿਖੇ ਬੇਖੌਫ ਚੋਰਾਂ ਵੱਲੋਂ ਇੱਕੋ ਰਾਤ ਤਿੰਨ ਦੁਕਾਨਾਂ ਦੇ ਸ਼ਟਰ ਤੋੜ ਕੇ ਚੋਰੀ ਕਰਨ ਦਾ ਸਮਾਚਾਰ ਹੈ। ਫੇਰੂਮਾਨ ਰੋਡ ਰਈਆ ਸਥਿੱਤ ਸੁੱਖ ਮੈਡੀਕਲ ਸਟੋਰ ਦੇ ਮਾਲਕ ਸੁੱਖਵਿੰਦਰ ਸਿੰਘ, ਮਨਪਸੰਦ ਡੇਰੀ ਦੇ ਮਾਲਿਕ ਸਵਦੇਸ਼ ਕੁਮਾਰ ਅਤੇ ਜੀ. ਟੀ. ਰੋਡ ਉਪੱਰ ਬਾਵਾ ਮਹੇਸ਼ ਸਿੰਘ ਮਾਰਕੀਟ ਵਿੱਚ ਪੈਂਦੀ ਮੋਬਾਇਲਾਂ ਦੀ ਦੁਕਾਨ ਦੇ ਮਾਲਕ ਦਿਲਬਾਗ ਸਿੰਘ ਨੇ ਜਾਣਕਾਰੀ ਦਿੰਦਿਆ ਕਿਹਾ ਕਿ ਰੋਜ਼ਾਨਾ ਦੀ ਤਰ੍ਹਾਂ ਰਾਤ ਉਹ ਆਪਣੇ ਦੁਕਾਨਾਂ ਨੂੰ ਤਾਲੇ ਲਾ ਕੇ ਘਰ ਚਲੇ ਗਏ ਤਾਂ ਜਦ ਸਵੇਰੇ ਆ ਕੇ ਦੇਖਿਆ ਤਾਂ ਸੁਖ ਮੈਡੀਕਲ ਨਾਮ ਦੀ ਦੁਕਾਨ ਵਿੱਚ ਚੋਰਾਂ ਨੇ ਜੈਕ ਵਗੇਰਾ ਲਾ ਕੇ ਦੁਕਾਨ ਦਾ ਸ਼ਟਰ ਤੋੜਿਆ ਹੋਇਆ ਸੀ ਅਤੇ ਬਾਹਰ ਲੱਗਾ ਕੈਮਰਾ ਵੀ ਤੋੜ ਕੇ ਨਾਲ ਲੈ ਗਏ।
