ਨਮਾਜ਼ ਪੜ੍ਹਨ ਨਿਕਲਿਆ 12 ਸਾਲਾ ਮਾਸੂਮ, ਗੁਆਂਢੀ ਨੇ ਕਰ ਦਿੱਤਾ ਕਤਲ
(TTT)ਰਮਜ਼ਾਨ ਦੇ ਮਹੀਨੇ ਵਿਚ ਨਮਾਜ਼ ਪੜ੍ਹਨ
ਗਏ 12 ਸਾਲ ਦੇ ਬੱਚੇ ਦਾ ਉਸ ਦੇ ਗੁਆਂਢੀਆਂ ਨੇ ਕਤਲ ਕਰ ਦਿੱਤਾ। ਮਾਮਲਾ ਅੰਬਰਨਾਥ ਤਾਲੁਕਾ ਦੇ ਗੋਰੇਗਾਂਵ ਦਾ ਹੈ। ਇੱਥੇ ਦੋ ਪਰਿਵਾਰਾਂ ਦੀ ਦੁਸ਼ਮਣੀ ਕਾਰਨ ਨਾਬਾਲਗ ਨੂੰ ਅਗਵਾ ਕਰ ਲਿਆ ਗਿਆ ਅਤੇ ਫਿਰ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਦੋਸ਼ੀ ਨੇ ਬੱਚੇ ਦੇ ਮਾਤਾ-ਪਿਤਾ ਨੂੰ ਫੋਨ ਕੀਤਾ ਅਤੇ ਫਿਰੌਤੀ ਦੀ ਮੰਗ ਕਰਨੀ ਸ਼ੁਰੂ ਕਰ ਦਿੱਤੀ।
ਇਸ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਤਾਂ ਤਲਾਸ਼ ਸ਼ੁਰੂ ਕਰ ਦਿੱਤੀ। ਬੱਚੇ ਦੀ ਲਾਸ਼ ਗੁਆਂਢੀ ਦੇ ਘਰ ਦੇ ਪਿੱਛੇ ਇੱਕ ਬੋਰੀ ਵਿੱਚ ਮਿਲੀ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਦੋ ਭਰਾਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਮੁਲਜ਼ਮ ਸਲਮਾਨ ਮੌਲਵੀ ਅਤੇ ਸੈਫੁਆਨ ਮੌਲਵੀ ਮ੍ਰਿਤਕ ਦੇ ਗੁਆਂਢ ਵਿੱਚ ਰਹਿੰਦੇ ਹਨ।
