ਗੈਂਬਲਿੰਗ ਐਕਟ ਦੇ ਤਹਿਤ 2 ਵੱਖ-ਵੱਖ ਮਾਮਲਿਆਂ ’ਚ 3 ਗ੍ਰਿਫ਼ਤਾਰ
(TTT) ਹੁਸ਼ਿਆਰਪੁਰ – ਥਾਣਾ ਸਿਟੀ ਪੁਲਸ ਨੇ ਗੈਂਬਲਿੰਗ ਐਕਟ ਦੇ ਤਹਿਤ ਇਕ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਮੁੱਖ ਸਿਪਾਹੀ ਦੀਪਕ ਕੁਮਾਰ ਸਾਥੀ ਕਰਮਚਾਰੀਆਂ ਦੇ ਨਾਲ ਪ੍ਰਾਈਵੇਟ ਸਵਾਰੀ ’ਤੇ ਗਸ਼ਤ ਤੇ ਚੈਕਿੰਗ ਦੇ ਦੌਰਾਨ ਘੰਟਾਘਰ ਚੌਂਕ ’ਤੇ ਮੌਜੂਦ ਸਨ। ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਅਜੇ ਸ਼ਰਮਾ ਪੁੱਤਰ ਸ਼ੰਕਰ ਦਾਸ ਸ਼ਰਮਾ ਨਿਵਾਸੀ ਮਕਾਨ ਨੰਬਰ 645 ਮੁਹੱਲਾ ਸ਼ੀਤਲਾ ਮੰਦਰ ਥਾਣਾ ਸਿਟੀ ਸੁਰਾਜਾਂ ਚੌਕ ’ਚ ਦੜੇ ਸੱਟੇ ਦਾ ਸ਼ਰੇਆਮ ਧੰਧਾ ਕਰਦਾ ਹੈ। ਜੇਕਰ ਹੁਣ ਰੇਡ ਕੀਤੀ ਜਾਵੇ ਤਾਂ ਕਾਬੂ ਕੀਤਾ ਜਾ ਸਕਦਾ ਹੈ। ਸੂਚਨਾ ਪੱਕੀ ਹੋਣ ’ਤੇ ਮੁੱਖ ਸਿਪਾਹੀ ਦੀਪਕ ਕੁਮਾਰ ਦੱਸੇ ਹੋਏ ਸਥਾਨ ’ਤੇ ਪਹੁੰਚੇ ਤਾਂ ਉਥੋਂ ਇਕ ਵਿਅਕਤੀ ਨੂੰ ਕਾਬੂ ਕਰ ਨਾਮ ਪਤਾ ਪੁੱਛਣ ’ਤੇ ਆਪਣਾ ਨਾਮ ਅਜੇ ਸ਼ਰਮਾ ਪੁੱਤਰ ਸ਼ੰਕਰ ਦਾਸ ਸ਼ਰਮਾ ਦੱਸਿਆ। ਤਲਾਸ਼ੀ ਲੈਣ ’ਤੇ ਉਸ ਦੇ ਹੱਥ ’ਚ 9040 ਰੁਪਏ ਦੇ ਨੋਟ ਬਰਾਮਦ ਹੋਏ।
